ວັນທີ 9 ກຸມພາ 2019 ຢູ່ແຂວງ ຫລວງພະບາງ ໄດ້ດຳ ເນີນພິທີ ມອບ - ຮັບ ຂົວອູ່ຂ້າມນຳ້ບາກ ຈຸດເຊື່ອມຕໍ່ ບ້ານຟ້າ ຫາ ບ້ານໂຄ້ງ ເມືອງນຳ້ບາກ

ວັນທີ 9 ກຸມພາ 2019 ຢູ່ແຂວງ ຫລວງພະບາງ ໄດ້ດຳ ເນີນພິທີ ມອບ - ຮັບ ຂົວອູ່ຂ້າມນຳ້ບາກ ຈຸດເຊື່ອມຕໍ່ ບ້ານຟ້າ ຫາ ບ້ານໂຄ້ງ ເມືອງນຳ້ບາກ ຂອງຂັວນຈາກ ພະນະທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ສປປ ລາວ
ອຸປະຖຳທຶນກໍ່ສ້າງໂດຍ: ບໍລິສັດ ປີໂຕຣລ້ຽມເທຣດດິ້ງ ລາວມະຫາຊົນ (ກຸ່ມບໍລິສັດ ພົງສະຫວັນ)

ແນ່ໃສ່ອຳນວຍຄວາມສະດວກແກ່ການສັນຈອນໄປມາລະຫວ່າງປະຊາຊົນບ້ານຟ້າ ແລະ ບ້ານໂຄ້ງ ເມືອງນຳ້ບາກ ແຂວງຫຼວງພະບາງ ບໍລິສັດ ປີໂຕຮລ່ຽນເທຮດດິ່ງ ລາວມະຫາຊົນ ໃນກຸ່ມບໍລິສັດ ພົງສະຫວັນ ໄດ້ລົງທຶນສະໜັບສະໜູນມູນຄ່າຕື້ກ່ວາກີບສ້າງຂົວອູ່ໃຫ້ຊາວບ້ານໄດ້ຍ່າງ ແລະ ຂີ່ລົດຖີບລົດຈັກໄດ້ແລ່ນຜ່ານ.

ພິທີມອບ - ຮັບ ແລະ ເປີດການນຳໃຊ້ ຂົວອູ່ຂ້າມນຳ້ບາກ ລະຫວ່າງ ບ້ານຟ້າ ແລະ ບ້ານ ໂຄ້ງເມືອງນຳ້ບາກ ໄດ້ຈັດຂຶ້ນໃນວັນທີ 9 ກຸມພາ 2019 ນີ້ ທີ່ສົ້ນຂົວບ້ານໂຄ້ງ ໂດຍ ມີ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມດ້ວຍການນຳຂອງແຂວງຫຼວງພະບາງ, ຕາງໜ້າກຸ່ມບໍລິສັດ ພົງສະຫວັນ ແລະ ບໍລິສັດຮັບເໝົາກໍ່ສ້າງ, ອົງການປົກຄອງເມືອງ ຕະຫຼອດຮອດປະຊາຊົນທັງ 2 ບ້ານເຂົ້າຮ່ວມ.

ພິທີ ທ່ານ ສົມພອນ ສີອຸດົມພັນ ເຈົ້າເມືອງນຳ້ບາກ ໄດ້ມີຄຳເຫັນສະແດງຄວາມຂອບໃຈເປັນຢ່າງສູງ ທີ່ໄດ້ຮັບຂອງຂັວນອັນລຳ້ຄ່າຈາກພັກ - ລັດຖະບານ ໂດຍ ສະເພາະ ທ່ານ ສອນໄຊ ສີພັນດອນ ຮອງນາຍຍົກລັດຖະມົນຕີ ກໍ່ຄື ກຸ່ມບໍລິສັດ ພົງສະຫວັນ ທີ່ໄດ້ມອບທຶນຮອນເຂົ້າໃນການກໍ່ສ້າງຂົ້ວອູ່ຂ້າມນຳ້ບາກ ເຮັດໃຫ້ການໄປມາຂອງປະຊາຊົນເມືອງນຳ້ບາກ ໂດຍສະເພາະປະຊາຊົນບ້ານໂຄ້ງ ແລະ ບ້ານ ຟ້າ ໄດ້ໄປມາຫາສູ່ກັນສະດວກຫຼາຍຂຶ້ນ ສ້າງເງື່ອນໄຂໃຫ້ແດ່ການພັດທະນາຄອບຄົວ ແລະ ບ້ານໃນອະນາຄົດ.

ໂອກາດນີ້ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ທ່ານ ຄຳຂັນ ຈັນທະວີສຸກ ເຈົ້າແຂວງ ຫລວງພະບາງ ພ້ອມດ້ວຍຕາງໜ້າ ກຸ່ມບໍລິສັດໃຫ້ທຶນ ໄດ້ ຮ່ວມກັນຕັດ ແຖບຜ້າ ແລະ ປ່ອຍປຸ່ມເປົ່າ ເພື່ອມອບຮັບ ແລະ ເປີດການນຳໃຊ້ຢ່າງເປັນທາງການ ຂົ້ວອູ່ຂ້າມນຳ້ບາກ ເລີ່ມສ້າງຂຶ້ນ ໃນເດືອນ ເມສາ ປີ 2018 ຜ່ານມາ ສອງສົ້ນຕັ້ງດ້ວຍເສົາເບຕົງເສີມເຫຼັກ ມີສາຍກາບຂະໜາດໃຫ່ຍຈ່ອງດຶງ, ໂຕຂົວເປັນໂຄງເຫຼັກ ຂະໜາດກ້ວາງ 2 ແມັດ, ຍາວ 125 ແມັດ ໂດຍອຳນວຍຄວາມສະດວກໃຫ້ແກ່ການສັນຈອນ.

ທຶນກໍ່ສ້າງເບື້ອງຕົ້ນ 1 ຕື້ 259 ລ້ານກ່ວາກີບ ແຕ່ເນື່ອງຈາກໂຄງລ້າງໄດ້ຮັບຜົນກະທົບຈາກລະດູຝົນຜ່ານມາ ແລະ ໜ້າວຽກເພີ້ມ ຈຶ່ງໄດ້ເພີ່ມມູນຄ່າການກໍ່ສ້າງເປັນ 1 ຕື້ 800 ລ້ານກ່ວາກີບ ເຊິ່ງເປັນທຶນສະໜັບສະໜູນຈາກ ບໍລິສັດ ປີໂຕຮລ່ຽມເທຣດດິ່ງ ລາວມະຫາຊົນ ໃນ ກຸ່ມ ບໍລິສັດ ພົງສະຫວັນ ແລະ ຮັບເໝົາກໍ່ສ້າງໂດຍ ບໍລິສັດ ລືໄຊ ໄຊຊະນະ.



Phongsavanh Group

Social Links